الفقــرة الفـنية
الكلام عن أخبار الدنيا والعالم اللى أحنا عايشين فيه بيصيبنى بإحباط شديد ويمكن بيقلب معايا على أكتئاب من كترة الأخبار الصادمة والمحبطة اللى بنسمعها وبنشاهدها فى كل لحظة .
عشان كده قولت أخرج عن المود اللى أنا حاطيت نفسى فيه ونقعد نتكلم شوية عن الفن فى عصره الذهبى في عصره الجميل
على العموم أنا هتكلم على شخصية فنية محترمة وكان صاحب صوت جميل لكن مخدش حظه زى أخوه الصغير العندليب الأسمر عبد الحليم حافظ شبانه
اللى هنكلم عنه هو فنان القليل هما اللى بيعرفوه وسمعوه من جيل كبار السن , لكن من جيل الشباب الحالى لا أعتقد إن حد سمع عنه هو المطرب" أسماعيل شبانه "
شارك بأعمال فنية بالسينما من خلال فيلم "ظلمونى الناس" عام 1950 وشارك فيه بالغناء
كما شارك فى فيلم الأرض الطيبة أيضاً بالغناء
له أغنية كانت مشهورة دايماً فى السبيعنات وكانت تذاع دايماً فى برنامج " ربات البيوت" على موجه هنا القاهرة
الأغنية دى كانت جميلة جداً فى الصوت وإحساس إسماعيل وهو بيؤديها كان أكتر من رائع يشعرك بحنان ودفئ الأسرة المصرية أيام الترابط الأسرى اللى أحنا افتقدناه دلوقتى
عموماً أسمعوا معايا الصوت الجميل ده اللى مخدش حظه فى الشهرة زى عمالقة زمانه وياريت تقوللى رأيكم
ليست هناك تعليقات:
إرسال تعليق