فقرة فنية غنائية ( أغنية أنا عندى مشكلة )

 نروح بعيد عن مشاكل الدنيا واللى فيها والأخبار اللى بتوجع قلوبنا فى كل ساعة من كوارث الطبيعة , والحروب , والمنازعات , والتوترات

ونحاول نبتعد شوية عن المشاكل لنريح أعصابنا من هموم الدنيا ومآسيها ونحاول نسمع حاجة جميلة من حاجات الزمن الجميل , لاقينا الجميلة الرقيقة "نهى حافظ" بتغنى أغنية دلوعة الزمن الجميل "شادية" وهما الأتنين واضح أن عندهم مشكلة كبيرة , لأن هما غنوا أغنية "أنا عندى مشكلة" ..

يعنى المشاكل ورانا .. ورانا , مفيش فايدة 

يعنى سيبنا مشاكل السياسة وأخبار الكوارث والدنيا واللى فيها , وقلت أخش على عالم الزمن الجميل ونعيش شوية رومانسية لاقيت كل واحدة طالعة بتقول "أنا عندى مشكلة"

فلما أمعنت السمع لاقيت أساس المشكلة هيا مشكلة عاطفية وكانت المشاكل العاطفية أيام الزمن الجميل بتنتهى أما أن يتغلب الحبيبان على تلك المشاكل ويكملوا مشوارهم سوا مع بعض

أو تكون تلك المشاكل أقوى منهما فيفترق الحبيبان وينتهى الأمر عند :

"كل شئ قسمة ونصيب" أو "ملناش نصيب فى بعض"

أما تلك الأيام فمشاكل الحب بتنتهى نهايات أنتوا عارفنها...

تعالوا نسمع ونشوف إيه المشاكل دى كلها وأزاى ممكن نحلهلهم !